MANILA, Philippines – Simula bukas, Setyembre 16 ay mabibili na rin sa Kadiwa pop-up store sa loob ng Bureau of Corrections ang mas murang halaga ng well-milled rice.
Ayon kay BuCor Director General Gregorio Pio P. Catapang Jr., mas mababa ng piso o P44 lang kada kilo ang benta kumpara sa ₱45 price cap na itinatakda ng pamahalaan.
Bukod sa bigas, mabibili rin sa KADIWA store ang agriculture products mula sa New Bilibid Prison gaya ng manok, baboy, isda, itlog, mantika, sibuyas, bawang, saging, root crops, kape at mga prutas.
Binuksan ang Kadiwa store nitong Setyembre 13, na itinaon sa ika-66 na kaarawan ng Pangulong Ferdinand Marcos Jr. Teresa Tavares
