Manila, Philippines – Inanunsyo na mga Manunuri ng Pelikulang Pilipino ang mga nominado sa ika-46 na edisyon ng Gawad Urian na gaganapin sa Nobyembre 29, 2023 sa UP Film Institute.
Pukpukan ang laban sa best actress nina Nadine Lustre (Deleter), Max Eigenmann (12 Weeks), Chai Fonacier (Nocebo) at Shiela Francisco (Leonor Will Never Die).
Magtutunggali naman sa best actor category sina John Lloyd Cruz (Kapag Wala Nang Mga Alon), Baron Geisler (Doll House), Andrew Ramsay (Ginhawa), Tommy Alejandrino (The Baseball Player), at Noel Trinidad (Family Matters).
Nominado naman sa kategoryang best supporting actress sina Shamaine Centenera (Kapag Wala Nang Mga Alon), Claudia Enriquez (12 Weeks), Bing Pimentel (12 Weeks), at Nikki Valdez (Family Matters).
Mahigpit naman ang tunggalian nina Soliman Cruz (Blue Room), Dido dela Paz (Ginhawa), JK Labajo (Blue Room), Ronnie Lazaro (Kapag Wala Nang Mga Alon), at Rocky Salumbides (Leonor Will Never Die) sa kategoryang best supporting actor.
Ang mga nominado sa best film ay ang Blue Room, Leonor Will Never Die, 12 Weeks, at Kapag Wala Nang Mga Alon.
Sina Ma-an L. Asuncion-Dagñalan (Blue Room), Lav Diaz (Kapag Wala Nang Mga Alon), Martika Ramirez Escobar (Leonor Will Never Die), Anna Isabelle Matutina (12 Weeks), Carlo Obispo (The Baseball Player), at Mikhail Red (Deleter) naman ang maglalaban sa best director category. Archie Liao
