Nagbabadyang pinsala ni ‘Mawar’ sa agri, pinaghahandaan na ng DA

MANILA, Philippines- Inilahad ng Department of Agriculture (DA) na naghahanda na ito para sa posibleng epekto ng Super Typhoon “Mawar” sa agriculture sector kapag pumasok na ito sa Philippine Area of Responsibility (PAR).

Inihayag ng ahensya nitong Huwebes na nag-abiso na ang agriculture department sa mga magsasaka na anihin na ang matured crops at gumamit ng post-harvest facilities.

Sinabihan din ang mga magsasaka na magkaroon ng seed reserves, planting materials, at iba pang farm inputs.

Gayundin, inatasan sila ng DA na ilipat ang farm machineries, at equipment sa mataas na pwesto at linisin ang drainage sa irigasyon at rice paddies upang maiwasan ang pagbaha.

Sinabi rin ng sa local government veterinary services, agriculturist, at Disaster  Risk Reduction and Management (DRRM) officer na tiyakin ang espasyo para sa llivestock at iba pang domestic animals.

Advertisement

“Facilities, food and water for these animals shall also be provided by the LGU during the disasters until such time when they are able to return to their owner’s residences,” anito.

Sinabi ng BAI na dapat tiyakin ang kaligtasan ng mga hayop sa tulong ng DA, Animal Rescue Organizations at iba pang stakeholders.

Samantala, inabisuhan ng Bureau of Fisheries and Aquatic Resources (BFAR) ang mga mangingisda na siguraduhin na nasa ligtas na lugar ang fishing boats, gears, paraphernalia, at iba pang machineries.

Sinabihan din sila na huwag munang mangisda hangga’t hindi bumubuti ang panahon. RNT/SA