MANILA, Philippines- Pansamantalang sinuspinde ang flight at ground operations sa Ninoy Aquino International Airport (NAIA) dahil sa Lightning Red Alert na ikinasa ng Airport Ground Operations and Safety Division (AGOSD).
Sa abiso, sinabi ng Manila International Airport Authority (MIAA) na pinairal ang Lightning Red Alert kaninang alas-2:13 ng hapon.
“The alert is a safety measure taken to prevent untoward incident from happening when lightnings are prevalent in the immediate area and may endanger personnel, passengers, and even flight operations,” anang MIAA.
Sa hiwalay na update ng MIAA, ibinaba ng AGOSD ang lightning red alert sa yellow alert kaninang alas-2:30 ng hapon.
Nakasaad din dito ang panunumbalik ng flight operations sa NAIA. RNT/SA
