MANILA, Philippines – NAGBIGAY ang Bureau of Customs (BOC) ng 4,000 MT o 80,000 bags ng mga forfeited Thailand White Sugar sa Department of Agriculture (DA) sa pamamagitan ng paglagda sa Deed of Donation and Acceptance, ngayong araw, Agosto 1, 2023.
Batay sa rekord, dumating ang mga nasabing asukal sa Port of Batangas noong Enero 12, 2023 sakay ng M/V Sunward nang walang kinakailangang Notice of Arrival. Dahil dito, ang Port of Batangas ay agad na naglabas ng Warrant of Seizure and Detention laban sa subject na asukal at M/V Sunward, na kalaunan ay inutusang i-forfeit pabor sa gobyerno sa pamamagitan ng desisyon na may petsang Abril 14, 2023.
Ayon sa BOC, alinsunod sa Paragraph D.1 ng Sugar Regulatory Administration (SRA) Memorandum Circular No. 4, Series 2022 – 2023 na nag-uutos: “[S]eized sugar with commercial value and capable of legitimate use may be disposed by the BOC through donation to government institutions”, ang Department of Agriculture (DA), Department of Finance (DOF), DA, at ang BOC ay pumasok sa isang Memorandum of Agreement.
Nabatid na nitong Hulyo 21, 2023 ay inaprubahan ng Kalihim ng Pananalapi ang iminungkahing donasyon ng 4,000 MT na pinong asukal sa DA habang ngayong Agosto 1, 2023 naman ay nilagdaan ni BOC Commissioner Bienvenido Y. Rubio at DA Senior Undersecretary Domingo F. Panganiban ang Deed of Donation and Acceptance.
