MANILA, Philippines- Natagpuang wala nang buhay ang isang kabataang Filipino-American na nauna nang naiulat na nawawala, sa California sa United States, ayon sa ulat nitong Biyernes.
Natagpuan ang mga labi ni Jordan Caoile, 16, sa isang open field sa Moreno Valley, ayon sa mga awtoridad. Naiulat siyang nawawala noong Mayo 15.
Gumugulong naman ang imbestigasyon upang matukoy ang dahilan ng pagkamatay ni Caoile. Humiling naman ang kanyang pamilya ng privacy. RNT/SA
