MANILA, Philippines- Sinabi ng opisyal ng National Economic and Development Authority (NEDA) nitong Martes na gumagana ang wage setting mechanism na kasalukuyang pinaiiral ng pamahalaan.
Sa Palace press briefing, tinanong si NEDA Undersecretary Rosemarie Edillon ukol sa legislated wage hike sa gitna ng pagtaas ng presyo ng mga bilihin.
“We think that currently, actually the wage setting mechanism is working. Kanina, ni-report ni Sec. Laguesma that 11 actually of the regional wage boards have already issued iyong mga wage increases, and all of these were decided by consensus,” paliwanag ni Edillon.
“So, I think, it’s working right now because the regional wage boards, sila, as you know, are composed of employers, employees, and then iyong government,” dagdag niya.
Nauna nang tiniyak ni Senate President Juan Miguel Zubiri na magpapasa ng panukala na naglalayon ng across-the-board minimum wage hike sa buong bansa kahit na nagbabala ang economic managers ng Marcos administration laban dito.
“The cost of living has increased all over the country and they need that decent wage para makabuhay sila nang disente. Kaya itutulak talaga namin ‘yan [so that they can live decently. That’s why we are pushing it]. We are pushing that before the year ends. Again, by December, we will pass the legislated wage bill,” wika ni Zubiri.
Sinabi ng economic managers ng administrasyon na lolobo ang inflation sa P150 wage hike at magpapabagal sa economic growth. RNT/SA