OFW na may pekeng dokumento, sinagip ng BI

MANILA, Philippines- Naharang ng mga tauhan ng Bureau of Immigration (BI) ang isang Overseas Filipino worker (OFW) na hinihinalang menor-de-edad at may bitbit na pekeng dokumento.

Ang babaeng OFW ay naharang ng mga BI officers sa Ninoy Aquino International Airport terminal 1 bago pa man makasakay sa Philippine Airlines patungong Jeddah upang magtrabaho bilang isang household service worker (HSW).

Sinabi ni Commissioner Norman Tansingco na ang nasabing OFW na biktima ng isang walang konsensiyang agency ay nagpakita ng dokumento na siya ay isang 24-anyos.

“However, it was apparent in her demeanor that something was off,” ani Tansingco. “She was obviously younger than her presented age,” ayon pa sa BI Chief.

Ang biktima ay nagpakita ng pasaporte na may working visa na siya ang 24-anyos subalit nadiskubre ng mga BI officers na dinoktor ang kanyang birth certificate.

Nabatid na pinapayagan sa Middle East ang sinumang magtrabaho bilang HSWs na kinakailangang 24-anyos ang edad.

“The immigration officer who processed her passport doubted the authenticity of the supporting document, and submitted it for tertiary check to our forensic documents laboratory,” ayon kay Tansingco.

“There we were able to confirm that the year of birth and other details in the birth certificate was altered,” dagdag pa nito.

Sa kabila nito, nakakuha pa rin ang biktima ng dokumento at visa.

Sinabi pa ni Tansingco na hindi marunong magbasa at magsulat ang biktima na tubong-Sultan Kudarat, na sinamantala ng recruiter.

“We suspect that she may be less than 20 years old, and possibly even be a minor,” ayon kay Tansingco.

“This is a clear case of trafficking that abuses the vulnerabilities of our young ones,” dagdag pa niya. JAY Reyes