P.6M marijuana nakumpiska ng QC police

AABOT sa P600,000 halaga ng pinatuyong dahon ng marijuana ang nakumpiska ng mga pulis sa magtiyahin sa isinagawang anti criminality operation ng mga awtoridad sa Brgy. Pasong Tamo, Quezon City nitong Sabado ng gabi.

Kinilala ni PLTCOL May Genio hepe ng Quezon City Police Station 14 Holy Spirit ang mga nadakip na sina Raymund Jumilla, 39, binata, walang trabaho, residente ng Sarmiento Compound 2, Himlayan Road, Brgy. Pasong Tamo, at tiyahin nito na si Isabel Resultay, 56, dalaga at residente sa Sarmiento Compound, Himalayan Road, Brgy. Pasong Tamo, QC .

Ayon kay Pat. Jesus Sumalinog Jr., imbestigador nadakip ang mga suspek sa kahabaan ng Sarmiento Compound Himlayan Road, Brgy. Pasong Tamo, QC dakong 10:25 ng gabi May 20, 2023 (Sabado).

Sinabi ni Sumalinog na nakumpiska mula sa mga suspek ang limang (5) piraso ng bloke ng pinatuyong dahon ng marijuana na nakabalot ng plastic, apat na piraso ng medium plastic ziplock na naglalaman ng hinihinalang pinatuyong dahon ng marijuana na may 80 grams na nakabalot ng plastic at may kabuuang tinatayang nasa 5000 grams at may street value na P600,000 halaga, isang piraso ng Digital weighing scale.

Nabatid sa ulat ng pulisya na nagsasagawa ng anti-criminality operation ang mga tauhan ng QCPD station 14 Follow up operatives sa pangunguna ni PLT. Mitchelle Mapola sa naturang lugar na nagresulta ng pagkakadakip sa mga suspek.

Nakatakas naman ang isang suspek na si Nick Resultay, 24, binata, ng no. 2 Sarmiento Compound, Himlayan Road, Brgy. Pasong Tamo, QC.

Kasalukuyan ngayon nakapiit sa naturang himpilan ang mga dinakip at nahaharap sa kasong paglabag sa Comprehensive Dangerous Drugs Act of 2002. Santi Celario