P18.3B calamity fund, nakahanda sa Super Typhoon Mawar – DBM

MANILA, Philippines – Siniguro ng Department of Budget and Management (DBM) na may sapat na pondo para sa isasagawang government efforts sakaling lubhang makaapekto sa bansa ang Super Typhoon Mawar.

Ayon sa DBM, mayroon pang P18.3 bilyon na calamity funds ang pamahalaan kabilang ang P1.5 bilyon mula sa 2022 budget na magagamit sa iba’t ibang disaster relief operations hanggang sa katapusan ng taon.

Sa huling ulat ng PAGASA ay mas lumakas pa kasi ang Super Typhoon Mawar habang papalapit sa Philippine area of responsibility (PAR), at inaasahang papasok sa loob ng 24 hanggang 36 oras.

“Our government is prepared. We are ready to support all operations for disaster rescue and relief with the necessary budget,” pahayag ni DBM Secretary Amenah Pangandaman nitong Biyernes, Mayo 26.

“Identified frontline government agencies may mobilize their Quick Response Fund (QRF) allocated in their respective budgets,” dagdag pa niya.

Ipinaliwanag din ng DBM na ang QRF ay isang built-in budgetary allocation na nagrerepresenta sa pre-disaster o standby funds para sa mga ahensya sa oras na hagupitin ng kalamidad o krisis ang isang lugar. RNT/JGC