MANILA, Philippines- Narekober ng mga awtoridad ang 2.8 kilo ng shabu na nakatago sa isang inabandonang maleta sa Ninoy Aquino International Airport Terminal 1 nitong Miyerkules.
Sumailalim ang bagahe, na pagmamay-ari ng isang Ugandan passenger, sa X-ray, K9 sniffing at physical examination, base sa mga awtoridad.
Nagresulta ito sa pagkakadiskubre sa P19,352,800 halaga ng shabu na nakatago sa loob kasama ang iba pang kagamitan.
Sasailalim ang nasabing bagahe sa seizure and forfeiture proceedings.
Iimbestigahan din ng mga awtoridad ang may-ari ng maleta para sa posibleng drug charges. RNT/SA
