MANILA, Philippines – Mabibili ang nasa P29 kada kilo ng bigas sa mga Kadiwa store pero ito ay limitado lamang sa ilang sektor tulad ng mga benepisyaryo ng Pantawid Pamilyang Pilipino Program (4Ps), senior citizens, persons with disabilities, at solo parents.
Upang matiyak na ang mga sektor na ito ay uunahin, ang mga mamimili na nais mag-avail ng bigas na ito ay kinakailangang magpakita ng kanilang identification card.
Ayon kay Agriculture assistant secretary at spokesperson Arnel de Mesa, layunin ng proyektong ito na maibsan ang mataas na halaga ng bigas sa pamamagitan ng pakikinabang sa mga target na sektor.
“Ang intention nu’n ay para talaga sa mga targeted beneficiaries natin, mostly ‘yung mga mahihirap at saka mga senior at mga solo parents. That’s about 30% of the total population.”
Tinitingnan ng Department of Agriculture ang posibilidad na palawakin ang proyektong ito upang maabot ang mas maraming mamimili.
Ang Rice Tariffication law (RTL), na nagkabisa noong Marso 5, 2019, ay nagpapahintulot sa walang limitasyong pag-aangkat ng bigas hangga’t ang mga negosyante sa pribadong sektor ay nakakuha ng phytosanitary permit mula sa Bureau of Plant Industry at nagbabayad ng 35% na taripa para sa mga padala mula sa mga kapitbahay sa Southeast Asya.
Nilagdaan bilang batas ni dating Pangulong Rodrigo Duterte, ang batas ay naglalaan ng P10 bilyon para sa Rice Competitiveness Enhancement Fund (RCEF), kung saan P5 bilyon ang ilalaan sa farm mechanization at P3 bilyon sa mga punla. Ang pondo ay naglalayon na tiyakin na ang pag-angkat ng bigas ay hindi lulunurin ang sektor ng agrikultura at maagaw ang mga magsasaka sa kanilang kabuhayan. Santi Celario
