MANILA, Philippines – Isang House Resolution ang inihain sa Kamara ni ACT CIS Partylist Rep Erwin Tulfo na nagsusulong na magkaroon ng congressional inquiry sa pagbibigay ng bansa ng special resident visas gayundin ang late registration ng mga birth certifiate na posibleng dahilan ng pagdagsa ng mga Chinese nationals sa bansa.
Sa House Resolution 1771 sinabi ni Tulfo na ang proseso sa pagbibigay ng Special Resident Retiree’s Visa (SRRV) at Special Investor’s Resident Visa (SIRV) ay dapat na busisiin.
Aniya, nasa 30,000 Chinese nationals ang napayagan na maging permanenteng residente ng bansa sa kabila ng hindi nila nakuha ang age requirement para sa retiree visas.
“Based on the Immigration Bureau records given to us, of the 78,000 foreigners issued retiree visas, 30,000 are Chinese. What is puzzling here is that they are yet to reach retirement age but they are on retiree visa. They are just aged 35 to 50,” paliwanag ni Tulfo.
Giit ni Tulfo na dahil sa hindi maayos na pagpapatupad ng mga special resident visa ay nagkaroon ngayon ng pagdagda ng mga Chinese nationals at iba pang dayuhan sa bansa.
“It is imperative to assess the impact of the SRRVs, SIRVs, and delayed registration of births which may have contributed to the influx of Chinese nationals to ensure that such policies align with our national interests and security,” dagdag pa nito.
Ipinaliwanag pa ni Tulfo na bunsod ng pagdami ng mga Chinese nationals ay nagkaroon na rin ito ng isyu sa labor market dynamics, national security at public order kabilang na dito ang pagsulputan ng POGO at mga krimen gaya ng human trafficking, scamming, kidnapping, illegal detention at prostitution. Gail Mendoza
