Pagkamatay ni ASG senior leader Sahiron kinukumpirma pa ng AFP

Bineberipika na ng Armed Forces of the Philippines ang mga ulat sa pagkamatay ng senior leader ng Abu Sayyaf Group (ASG) na si Radullan Sahiron.

Sinabi ni Joint Task Force Sulu commander Brigadier General Ignatius Patrimonio na nakatanggap sila ng impormasyon sa pagkamatay ni Sahiron dalawang buwan na ang nakakaraan.

Gayunpaman, hindi niya ito makumpirma dahil hindi pa nila nakikita ang katawan.

Si Sahiron ay kabilang sa mga indibidwal na itinalaga ng Anti-Terrorism Council bilang mga miyembro ng mga lokal na teroristang grupo, na nag-udyok sa Anti-Money Laundering Council (AMLC) na i-freeze ang kanilang mga ari-arian noong Hulyo 2021.

Noong Nobyembre 2012, inilagay si Sahiron sa listahan ng mga most wanted terrorists ng Federal Bureau of Investigation (FBI) para sa “kanyang diumano’y pagkakasangkot sa 1993 kidnapping ng Abu Sayyaf Group sa isang Amerikano sa Pilipinas.”

Nag-alok din ang FBI ng reward na hanggang $1 milyon para sa impormasyong humahantong sa kanyang pag-aresto. RNT