MANILA, Philippines – Titingnan na ngayon ng isang permanent group, hindi lamang isang ad hoc committee ang mga ulat sa pagbili at pagbebenta ng boto bago ang Oktubre 30 Barangay at Sangguniang Kabataan Elections (BSKE).
Sa bagong nabuong team, sinabi ni Commission on Elections (Comelec) Commissioner Ernesto Ferdinand Maceda Jr., ang mga paglabag sa botohan ay hindi magiging negosyo gaya ng dati.
“What used to be just a Task Force, an ad hoc committee in 2019, is now a standing and permanent committee of the Comelec. (It is) the only permanent committee of the Comelec dedicated to attacking what is truly an internal threat to democracy,” sabi ni Maceda sa paglulunsad ng Committee on Kontra Bigay (CKB or Committee Against Giving).
Ang Comelec Resolution No. 10946 na bumuo sa CKB ay nagtatag din ng Kontra-Bigay Complaint Center, na operational mula alas-8 ng umaga hanggang alas-5 ng hapon hanggang Oktubre 28 at magiging 24 oras na operasyon sa Oktubre 29 hanggang 31.
Bago ang CKB, mayroong Comelec Task Force na nangangasiwa sa mga reklamo sa pagbili at pagbebenta ng boto.
Maaaring mag-ulat ang publiko ng mga reklamo sa CBK sa pamamagitan ng hotline numbers 02-8559-9947 o 02- 8567-4567, o sa pamamagitan ng email address [email protected].
Sinabi ni Maceda na ang mga itinalagang CKB member-government agencies ay may kapangyarihan din na mag-imbestiga, mag-usig at arestuhin ang mga lumalabag na nauugnay sa ipinapalagay na mga gawain ng pagbili at pagbebenta ng boto.
Kabilang sa CBK member-agencies ang Department of Justice, Department of the Interior and Local Government, Department of Education, Department of Information and Communications Technology, Cybercrime Investigation and Coordinating Center, Philippine Information Agency, Armed Forces of the Philippines, Philippine National Police, National Bureau of Investigation, Bangko Sentral ng Pilipinas, Anti-Money Laundering Council, Public Attorney’s Office, Integrated Bar of the Philippines, Philippine Association of Law Schools at accredited citizens’ arms ng komisyon.
Kapag napatunayang nagkasala ang lumabag ay maaring masintensyahan ng hindi bababa sa isang taong pagkakakulong o maximum na panahon ng anim na taon, sinabi ng mga opisyal ng Comelec. Jocelyn Tabangcura-Domenden
