Manila, Philippines- This early ay excited na raw si Sharon Cuneta sa concert nila ng dating asawang si Gabby Concepcion.
Ito’y ang Dear Heart na gaganapin sa October 27 sa MOA.
“Brand-new experience” nga kung ilarawan ng Megastar ang naturang concert makaraan ang ilang dekadang pamamahinga sa concert scene with Gabby.
Masaya’t excited man, nilinaw ni Sharon na huwag asahan ng kanyang mga tagahanga na sisipot sa gabing ‘yon ang asawang si Kiko Pangilinan at kanilang mga anak.
“It was a mutual decision, and we talked about it. Since I’m doing it with Gabby, the concert is for our target audience,” paglilinaw ng singer-actress.
Pero mas may malalim na dahilan pa raw sa likod ng non-attendance ng kanyang pamilya.
“I wanna shield them from the controversy. Kaya they don’t exactly have to be around,” aniya.
It doesn’t mean, however, that Kiko is not supportive of her.
“No! In fact, he’s the coolest. When ‘Dear Heart’ was first announced, Kiko even told me, ‘Sana matuloy ‘yan!’ That’s how supportive he is of me!” pagkaklaro ni Sharon.
Samantala, kung babalikan ng singer-actress ang kanyang nakaraan, would she have married Gabby?
Hindi lingid sa showbiz circles that Sharon and Gabby were married thrice–dalawa under civil rites at isang church wedding.
Sagot ni Sharon: “I wish I had waited a little more time, ‘yung we were both ready and mature. But I thank Gabby simply because we have KC!”
Kung matatandaan, dapat sana’y gagamiting “promo gimmick” ang individual mediacon nila, as in hindi sila magkasama sa event.
As it turned out recently, both were present at the ballroom of the Okada Manila kung saan naunang dumating si Gabby.
Gabby was about to leave the event nang tiyempo namang paparating si Sharon.
Sana lang ay hindi gimmick din ang ‘di pagsipot ng pamilya ni Sharon sa gabi ng concert. Ronnie Carrasco III
