MANILA, Philippines – Inatasan ni Pangulong Ferdinand Marcos, Jr. ang bagong Health Secretary na si Ted Herbosa na bumuo ng COVID-19 exit plan gayundin ang pagtuunan ng pansin ang mga kaso ng tuberculosis at HIV, sinabi ng health chief nitong Huwebes.
Sinabi ni Herbosa, isang dating Special Adviser sa National Task Force Against COVID-19, na kabilang ito sa mga marching order ng pinuno ng Pilipinas nang italaga niya ito bilang health chief.
“Sinabi niya ‘yung COVID, kailangan ng exit plan para makalabas na tayo sa COVID at matuloy-tuloy ang mga implementasyon ng bakuna, tinatawag nating bivalent vaccines,” ani Herbosa sa isang televised briefing.
Sinabi ng COVID-19 task force ng bansa noong nakaraang taon na ang pandemic exit plan ay dapat kasama ang mahigpit na pagpapatupad ng mga health protocol. Maaaring hilingin ng gobyerno sa publiko na ipakita ang kanilang mga vaccine booster card sa mga establisyimento.
Ang mga stakeholder, samantala, ay hinimok ang gobyerno na pahusayin ang sistema ng pangangalagang pangkalusugan ng bansa.
Ang Pilipinas noong nakaraang linggo ay nagtala ng 9,107 na kaso ng COVID-19, batay sa case bulletin ng Department of Health noong Lunes. RNT
