MANILA, Philippines – Mariing nagbabala si Pangulong Ferdinand “Bongbong” Marcos Jr. nitong Martes na walang puwang ang sinomang pulis na sisira sa reputasyon ng Pambansang Pulisya ng Pilipinas.
Ginawa ni Marcos ang pahayag habang pinangangasiwaan niya ang panunumpa ng kabuuang 57 promoted star rank police officers sa Palasyo.
“Mark my words, there will be no room for leniency for those who engage in acts that tarnish the reputation of our police and jeopardize the safety of our people,” anang Pangulo sa kanyang talumpati.
“So to our new officers here, I urge to keep your integrity at all times and remain steadfast in your commitment to public service amidst the many challenges faced by your institutions,” ani Marcos Jr.
Sinabi ni Marcos na ang mga opisyal ng pulisya ay dapat na malaya sa katiwalian at pang-aabuso dahil ang kanyang administrasyon ay walang tolerance sa mga tiwaling opisyal.
“Bilang mga pinuno, kailangan mong itaguyod ang pinakamataas na pamantayan ng etika, ng propesyonalismo, pakikiramay sa karapatang pantao, hindi lamang sa ating sarili kundi maging sa ating mga mamamayan,” dagdag pa ng Pangulo. RNT
