PH airspace shutdown, tapos na; airport ops, balik-normal

MANILA, Philippines- Balik-normal ang airport operations nitong Miyerkules matapos ang 2-hour scheduled shutdown ng Philippine airspace dahil sa maintenance work. 

Pinalitan ng Civil Aviation Authority of the Philippines ang uninterruptible power supply (UPS) units sa air traffic management center nito mula alas-2 hanggang alas-4 ng madaling araw nitong Miyerkules, upang maiwasan na maulit ang New Year’s Day aviation meltdown noong Enero.

Advertisement

Inihayag ng CAAP na kinakailangan ang pag-shutdown sa Philippine airspace para tiyakin ang kaligtasan ng lahat ng eroplano at mya pasahero.

Isang Cebu Pacific flight ang naantala sa airspace shutdown at anim na AirAsia flights ang nakansela habang dalawa pa ang binago ang oras. RNT/SA