Muling bumilis ang inflation rate o ang antas ng pagbilis ng pagtaas ng presyo ng pangunahing bilihin sa bansa sa 5.3% noong Agosto pagkatapos ng anim na buwang mga pagbaba, iniulat ng Philippine Statistics Authority (PSA) nitong Martes.
Ang data mula sa PSA ay nagpakita na ang inflation ay mas mabilis noong nakaraang buwan kaysa sa 4.7% na nai-post noong Hulyo.
Ang inflation rate ng Agosto ay swak naman sa 4.8% hanggang 5.6% na forecast range ng Bangko Sentral ng Pilipinas para sa buwan.
Sinabi ng Bangko Sentral na ang pagtaas ng presyo ay maaaring nagmula sa pagtaas sa mga presyo ng gasolina, pati na rin ang mas mataas na gastos sa transportasyon, at mga produktong pang-agrikultura. RNT
