Home NATIONWIDE PH nasa ‘gray list’ pa rin ng FATF sa money laundering

PH nasa ‘gray list’ pa rin ng FATF sa money laundering

MANILA, Philippines – Hindi pa rin nakakaalis ang Pilipinas sa “gray list” ng Paris-based watchdog Financial Action Task Force (FATF).

Kasabay nito ay hinimok ang bansa na tugunan ang nalalabing mga butas sa depensa nito laban sa money laundering.

Sa pagiging kasama sa gray list, nangangahulugan na ang Pilipinas ay nasa ilalim ng “increased monitoring” partikular na sa pag-unlad nito na resolbahin ang mga isyu sa napagkasunduang timeframes sa ilang strategic deficiencies sa depensa nito laban sa dirty money at terrorism financing, saad sa pahayag ng FATF nitong Sabado, Pebrero 24.

Ang desisyon ay marka sa isang critical juncture para kay Pangulong Ferdinand Marcos Jr. sa layunin nitong maalis sa gray list sa October 2024 ang Pilipinas.

Nagkikita-kita ang FATF plenary sa Pebrero, Hunyo at Oktubre ng bawat taon.

Ipinaliwanag ng FATF na pumalya ang Pilipinas dahil hindi pa nito naipapakita ang “effective riskbased supervision” sa nonfinancial sectors at professions na vulnerable sa financial crimes.

Ang halimbawa ng susceptible entities—o kilala bilang Designated Non-Financial Businesses and Professions—ay ang casinos, lawyers, accountants, real estate agents, at iba pa.

Idinagdag din ng FATF na kailangan pa ng Pilipinas na ipakita na ang mga regulator ay gumagamit ng credible antimoney laundering at paglaban sa “financing of terrorism” controls laban sa mga banta mula sa casino junkets. RNT/JGC

Previous articlePinsala sa El Niño, P357.4M na
Next article2 wanted nalambat sa Pasay at Parañaque