MANILA, Philippines – Napa-sana all ang mga netizen sa balita na isang Pinay sa United Arab Emirates ang nanalo sa FAST5 draw sa nasabing bansa!
Ang premyo kasi sa Emirates Draw ay monthly payout o buwanang bayad na 25,000 dirhams o P387,000 sa loob ng 25 taon.
Kinilala ang nanalo na si Freilyn Angob, kung saan nakuha niya ng second grand prize sa FAST5 draw.
Sa larong FAST5 ay kailangang pumili ng limang numero ang manlalaro sa kabuuang 42 numero.
“We were planning to get married, but my financial condition did not help. This win will end all my worries and give me financial security for a long time,” sinabi ni Angob sa website ng Emirates Draw.
“I will never forget that moment. I thought to myself again, maybe I won a small cash prize. But when I received the congratulatory email mentioning that I won the Grand Prize, me and my fiancé jumped from joy,” dagdag pa nito.
Nasa 10 taon nang naninirahan at nagtatrabaho si Angob sa UAE bilang dental nurse at ngayon ay nag-aaral para maging laser technician. RNT/JGC
