MANILA, Philippines – Nakapili na ang Supreme Court ng 14 na paaralan para magsilbing local testing centers (LTCs) sa 2023 Bar Examinations.
Sa inilabas na bar bulletin ni 2023 Bar Exams Chair at Supreme Court Associate Justice Ramon Paul Hernando, anim sa local testing centers ay mula National Capital Region (NCR).
Ito ang University of the Philippines-Diliman, San Beda University-Manila, University of Sto. Tomas, San Beda College-Alabang, Manila Adventist College, at University of the Philippines- Bonifacio Global City.
Sa Luzon, magsisilbing local testing centers ang Saint Louis University, Cagayan State University, at University of Nueva Caceres.
Habang sa Visayas ay tatlo ang magsisilbing LTCs. Ito ang University of San Jose-Recoletos, University of San Carlos, at Dr. V. Orestes Romualdez Educational Institution.
Sa Mindanao, magiging LTCs ang Ateneo De Davao University at Xavier University.
Samantala, nilinaw ni Hernando na hindi pa pinal ang mga nabangit na local testing sites dahil magkakaroon pa ng kasunduan sa mga unibersidad at colleges. Teresa Tavares
