MANILA, Philippines – Pansalamantalang pinayagan ng Metropolitan Manila Development Authority (MMDA) ang mga mga provincial bus na dumaan sa EDSA mula 10 p.m. hanggang 5 a.m., mula Okt. 26 hanggang Nob. 6.
Ang hakbang ay bilang paghahanda sa inaasahang mas maraming pasahero na dadagsa sa mga bus station para makauwi sa kani-kanilang probinsya sa Barangay at Sangguniang Kabataan Election at Undas.
Ang mga bus mula sa hilaga ay dapat na matapos ang kanilang mga biyahe sa kanilang mga terminal sa Cubao, Quezon City habang ang mga bus mula sa timog ay titigil sa Parañaque Integrated Terminal Exchange.
Upang matiyak ang kaligtasan ng mga pasahero, nag-inspeksyon ang MMDA sa mga bus terminal sa Cubao at tinitingnan kung tumutulong ang kanilang mga itinalagang tauhan sa mga biyahero.
Inaasahan ng ahensya na tataas ang bilang ng mga pasahero simula Biyernes ng gabi. Pero pinili ng ilang Pinoy na bumiyahe ng maaga para maiwasan ang maraming tao.
Pinayuhan din ng MMDA ang mga Pilipinong magtutungo sa mga probinsya na mag-book ng mga tiket nang maaga at makarating ng maaga sa terminal. RNT
