Q2 nat’l simultaneous quake drill itinakda sa Hunyo 8

MANILA, Philippines – Inanunsyo ng Office of Civil Defense (OCD) nitong Biyernes, Mayo 19, ang pagsasagawa ng National Simultaneous Earthquake Drill (NSED) sa second quarter ng taon na gaganapin sa Hunyo 8.

Sa post nito, sinabi ng OCD na mangyayari ang earthquake drill bandang alas-9 ng umaga.

Nanawagan ito sa publiko na makiisa sa drill upang mas maging handa sa panahon na tumama ang isang malakas na lindol sa bansa.

“Sabay-sabay tayong mag-duck, cover, and hold dahil Bida ang Handa,” ayon sa OCD.

Ang first quarter NSED ay ginanap noong Marso 9 taglay ang scenario na katulad ng magnitude 7.2 na lindol. RNT/JGC