MANILA, Philippines – Inaprubahan na sa huling pagbasa ng Kamara ang panukalang bubuo ng
“competent, productive, and well-rounded physical therapists”.
Kasabay ng plenary session nitong Miyerkules, Agosto 16, nakatanggap ng botong 274 ang House Bill 8452 o “Philippine Physical Therapy Law.”
Sinabi ni Speaker Martin Romualdez na layon ng panukalang palakasin at gawing globally competitive ang mga physical therapist sa bansa sa pagpapataas ng kanilang standards of profession sa pamamagitan ng tuloy-tuloy na professional development program.
“This bill hopes to regulate a steadily growing profession of healthcare professionals to make sure that only competent individuals are allowed to practice such an important pursuit,” ani Romualdez.
Binanggit din niya ang datos mula sa World Confederation for Physical Therapy na nagpapakitang mayroong mahigit 14,600 physical therapists sa Pilipinas noong 2019.
Layon nitong amyendahan ang Republic Act 5680 na nagsasagawa ng regulasyon sa propesyon ng physical at occupational therapy.
“We need to update the law to respond to the changing times, especially if we are to raise the standards of the profession to international standards. I thank the Committee on Civil Service and Professional Regulation for a job well done in crafting the measure,” sinabi ni Romualdez.
Ayon sa panukala, kabilang sa physical therapy ang pagtukoy at pagpapalakas sa kalidad ng buhay at movement potential sa loob ng promotion, prevention, treatment, intervention, habilitation at rehabilitation.
Pasok dito ang physical, psychological, emotional at social wellbeing.
Binibigyang mandato nito ang pagtatayo ng Professional Regulatory Board of Physical Therapy, na may kapangyarihang bumuo at magpatupad ng mga batas o panuntunan, mangasiwa sa registration, licensure at practice of physical therapy; pagpapanatili ng roster ng physical therapists at pag-isyu, reinstate, o pagsuspinde at pagkansela sa registration at lisensya.
“All applicants for registration for the practice of physical therapy shall be required to undergo a licensure examination to be given by the Board in such places and dates as the Commission may designate, subject to compliance with the requirements prescribed by the same,” saad sa panukala.
Ang Board ay ipapasailalim sa Professional Regulation Commission. RNT/JGC
