Gumamit ng labis na mapanlait na termino sa LGBT community habang inulit niya sa isang closed-door meeting kasama ang mga Italian bishop na hindi dapat pahintulutang maging pari ang mga bakla, iniulat ng Italian media noong Lunes.
Ang La Repubblica at Corriere della Sera, ang pinakamalaking circulation dailies ng Italya, ay binanggit ang papa na nagsasabing ang mga seminary, o mga kolehiyo ng pagkasaserdote, ay puno na ng “frociaggine,” isang bulgar na terminong Italyano na halos isinasalin bilang “faggotness.”
Hindi naman sinagot ng Vatican ang isang kahilingan para magkomento rito.
Ang nasabing insidente ay nangyari noong Mayo 20 nang buksan ng Italian Bishops Conference ang apat na araw na assembly na may non-public meeting kasama ang papa na maaring hindi napantanto na ang terminong Italyano na ginamit ay nakakasakit.
Kinikilala si Francis hanggang ngayon sa pangunguna sa Simbahang Romano Katoliko sa pagkuha ng mas nakakaengganyong diskarte sa LGBT community.
Noong 2013, sa simula ng kanyang pagka-papa, tanyag niyang sinabi na “If a person is gay and seeks God and has good will, who am I to judge?,”
habang noong nakaraang taon ay pinahintulutan niya ang mga pari na basbasan ang mga miyembro ng magkaparehas na kasarian, na nag-trigger ng malaking konserbatibong reaksyon.
Gayunpaman, naghatid siya ng katulad na mensahe sa mga gay seminarians nang makilala niya ang mga Italian bishop noong 2018, na sinasabi sa kanila na maingat na suriin ang mga aplikante ng priesthood at tanggihan ang sinumang pinaghihinalaang homosexual.
Sa isang dokumento noong 2005, na inilabas sa ilalim ng yumaong hinalinhan ni Francis na si Benedict XVI, sinabi ng Vatican na maaaring tanggapin ng Simbahan sa pagkapari ang mga malinaw na nagtagumpay sa homosexual tendency sa loob ng hindi bababa sa tatlong taon.
Sinabi sa dokumento na ang pagsasanay sa mga homosexual at ang mga may “deep-seated” gay tendencies at ang mga “sumusuporta sa tinatawag na gay culture” ay dapat na hadlangan. (Jocelyn Tabangcura-Domenden)
