MANILA, Philippines – Ipatutupad ulit ng Office of Transportation Security (OTS) ang mandatoryong pagtanggal ng sapatos bago pumasok sa lahat ng terminal ng Ninoy Aquino International Airport (NAIA) sa lahat ng papaalis na pasahero papunta sa ibang bansa.
Sinabi ni OTS chief Ma. O Aplasca na ang patakaran ay ipinatupad na noon at itatakdang muli bilang bahagi ng mga hakbang sa seguridad.
Matatandang inalis ang nasabing patakaran noong Disyembre 1 ng nakaraang taon upang mabigyan ng sapat na espasyo ang mga papaalis na manlalakbay at ang kanilang mga bagahe, ayon kay OTS spokesperson Kim Marquez.
“Magkakaroon lamang ng isang security check at iyon ay sa final check pagkatapos mismo ng immigration area kung saan nakalagay ang mga high-tech na X-ray machine, body scanner, at metal detectors upang matiyak na ang lahat ng mga pasahero ay mahusay na na-screen,” paliwanag ni Marquez.
Sinabi niya na mayroon na ngayong mga konsultasyon sa mga kinatawan ng airline at iba’t ibang stakeholder kaugnay nito. RNT
