MANILA, Philippines- Hangad ng Department of Energy (DoE) na tiyakin na ang power distribution facilities ay secure habang inaasahan ng bansa na maranasan ang La Niña sa mga nalalapit na buwan.
Sinabi ni DOE Secretary Raphael Lotilla na dahil higit pa sa normal rainfall conditions ang inaasahan dahil sa La Niña, ang distribution facilities ay maaari aniyang maapektuhan ng pagbaha.
“The La Niña may bring rains and should brace ourselves for extreme events that may affect the operation of these plants,” ayon kay Lotilla.
Tiniyak naman ni DOE Assistant Secretary Mario Marasigan na hindi naman magiging problema ang power supply subalit ang ‘transmission at distribution facilities’ ay vulnerable sa matinding lagay ng panahon.
“Also we are facing difficulties with restoration when it comes to floodings dahil we prioritize safety rather than energization. During those times, ‘yon ang pinaghahandaan natin. How to transmit power because we have ample supply naman,” ang sinabi ni Marasigan.
Samantala, magiging advantage aniya ang ulan para punan ang reservoirs ng hydroelectric plants na nasa mababang lebel dahil sa El Niño.
Tinuran pa ni Marasigan na ang 15,000 megawatts ay magiging available sa oras na ang hydroelectric plants ay bumalik sa normal operations.
“But as temperatures start too cool with the onset of the rainy season, demand for electricity has also gone down,” ayon sa DOE.
Karamihan sa power plants na nakaranas ng kawalan ng kuryente na naging sanhi ng yellow at red alerts sa rurok ng dry season ay bumalik na sa serbisyo.
“We have major power plants that have come into service. Latest is yesterday we have Masinloc 1 and SLTEC unit 2 coming online.
However, we still have deratings on these power plants… This is relative also sa shift ng temperature natin dahil nagkakaraon na naman tayo ng moisture,” ang tinuran ni Marasigan.
Sa kasalukuyan, patuloy na nakikipagtulungan ang DOE sa Energy Regulatory Commission sa pagtataya at pagsusuri sa dahilan ng kamakailan lamang na kawalan ng suplay ng kuryente sa ilang power facilities.
Gamit ang mahigit sa 5,000 megawatt sa incoming thermal at renewable energy facilities, kumpiyansa naman ang DOE na ang energy demand ng bansa ay matutugunan hanggang 2028.
“Anticipating the timely testing and commissioning and coming into commercial operation of these power plants, we would say we’re good not only until 2026 but until 2028,” ayon kay Marasigan. Kris Jose
