Selpon kinumpiska, dormitoryo sinilaban; 19 patay!

GEORGETOWN — Natukoy na ang sanhi ng sunog na kumitil sa 19 kabataan sa isang dormitoryo sa Guyana.

Base sa imbestigasyon, posibleng kagagawan ng isang estudyante ang sunog matapos na kumpiskahin ng mga awtoridad ng paaralan ang kanyang cell phone.

Ang mga bata, karamihan sa mga katutubong babae, ay namatay bandang hatinggabi noong Lunes.

Nauna nang kinumpirma ni David Adams, ang alkalde ng Mahdia, ang bayan kung saan matatagpuan ang paaralan, ang sinasabing pagkakasangkot ng estudyante sa Reuters at sinabing hindi siya nasugatan sa sunog.

Idinagdag niya na hindi niya makumpirma kung ang estudyante ay nasa kustodiya ng gobyerno. Hindi naman din binanggit kung inaresto ito ng pulisya.

Sinabi ng ilang estudyante sa mga imbestigador na nagising sila sa mga hiyawan at nakakita ng apoy at usok sa banyo ng dorm, sabi ng pulisya.

Ang pinakabata sa mga nasawi ay ang limang taong gulang na anak ng caretaker ng dormitoryo.

Nakipagpulong si Pangulong Irfaan Ali sa ilang magulang ng mga namatay noong Lunes matapos bumisita sa ospital ni Mahdia, at nagdeklara ng tatlong araw ng pambansang pagluluksa. RNT