Senior tigok sa lubid

ILOCOS NORTE- Tigok ang isang lalaking senior matapos magbigti sa bayan ng Pasuquin sa lalawigang ito kahapon ng umaga, Mayo 22.

Ang biktima ay 67-anyos, may asawa, magsasaka, residente ng naturang bayan.

Nabatid na ang biktima ay nakararanas ng psychiatric disorder simula pa noong 2007 at nagmi-maintenance ito laban sa naturang sakit.

Mismong ang misis nito ang nakadiskubre sa biktima na may tali sa leeg at nakabitin malapit sa pintuan ng kanilang silid.

Ayon sa MHO physician na tumingin sa biktima, mga dalawang oras o tatlong oras na itong patay bago pa nadiskubre.

Walang nakitang senyales ng foul play sa naturang insidente. Rolando S. Gamoso