SoCot niyanig ng M-5.5 na lindol

MANILA, Philippines – Niyanig ng magnitude 5.5 na lindol ang Surallah, South Cotabato nitong Sabado ng madaling araw, Agosto 26.

Sa ulat ng PHIVOLCS, tumama ang lindol 3:13 ng madaling araw.

Tectonic in origin ang pagyanig at may lalim na 11 kilometro.

Naramdaman ang Intensity IV ng lindol sa City of General Santos, South Cotabato.

Samantala, naitala naman ang instrumental intensities sa mga sumusunod na lugar:

Intensity IV – Tupi, Banga, Polomolok, at City of General Santos, South Cotabato; Kiamba at Maasim, Sarangani

Intensity III – Alabel, Malungon, Malapatan, at Maitum, Sarangani.

Inaasahan ang pinsala sa lindol at posible rin ang mga aftershock. RNT/JGC