MANILA, Philippines – Makararanas ng water service interruption ang ilang bahagi ng Taguig, Quezon, Manila, Makati, at Pasig, Antipolo city, at Binangonan sa lalawigan ng Rizal mula Mayo 24 hanggang 26 dahil ang Manila Water Company (Manila Water) ay may naka-iskedyul na mga aktibidad sa pagpapahusay ng serbisyo.
Sa advisory nito nitong Martes, sinabi ng Manila Water na ang mga apektadong lugar mula 10 p.m. ng May 24 hanggang 4 a.m. ng Mayo 25 sa Taguig City ay bahagi ng Barangay Palingon at Calzada, partikular sa kahabaan ng F. Manalo, Bantayan, Ruhale, Virata at Lonton, para sa declogging.
Sa Quezon City, ang mga lugar na walang tubig ay bahagi ng Barangay Vasra, University of the Philippines campus at Old Capitol Site, partikular sa Commonwealth Avenue corner Elliptical Road, para sa pagpapalit ng metro ng linya.
Sa Antipolo City, ang mga apektadong lugar ay bahagi ng Barangay Dalig, at San Jose, partikular sa Road to Teresa, Barangay Dalig, para sa line maintenance.
Sa Maynila, ang mga lugar na walang tubig ay bahagi ng Barangay 793, 882 at 881, partikular sa Sta. Ana, para sa line meter at strainer declogging.
Sa Makati City, ang mga apektadong lugar ay bahagi ng Barangay West Rembo at East Rembo, partikular sa kahabaan ng JP Rizal corner Mabini Street at 2nd Avenue, para sa pagpapalit ng line meter.
Sa Binangonan, ang mga lugar na walang tubig ay bahagi ng Barangay Darangan at Calumpang, partikular sa kahabaan ng Manila East Road corner Bagumbayan Rotaryville, Kasinay Road malapit sa Mabuhay Homes at East Road corner Sitio San Juan, para sa pagpapalit ng line meter.
Mula 10 p.m. ng Mayo 24 hanggang ika-5 ng umaga ng Mayo 25, ang mga apektadong lugar sa Maynila ay bahagi ng San Andres Extension Street, San Andres (Barangay 780), partikular sa kahabaan ng Tejeron Street corner Mabuhay Street, para sa declogging.
Sa Pasig City, ang mga lugar na walang tubig mula 10 p.m. ng Mayo 25 hanggang 4 a,m. ng Mayo 26 ay bahagi ng Barangay Bagong Ilog, partikular sa Pasig Boulevard sa harap ng RMC Hospital, para sa interconnection.
Pinayuhan ng water firm ang mga residente sa mga apektadong lugar na mag-imbak ng sapat na tubig. RNT
