MANILA, Philippines – “Hindi ko alam saan nakuha ‘yung 8 million na number eh. Bakit hindi 7, hindi 9, hindi 10 million? Baka pumasok sa isip niya na gamitin ‘yung number 8 dahil swerte? Doon mo makikita na mga kathang isip.”
Ito ang komento ni suspended Negros Oriental Congressman Arnolfo “Arnie” Teves Jr. ukol sa umanoy P8 milyong alok sa bawat suspek sa pagpatay kay Negros Oriental Governor Roel Degamo para bawiin ang nauna nilang akusasyon laban sa mambabatas na isiniwalat ni Justice Sec. Jesus Crispin “Boying” Remulla.
“Kung ano-anong lumalabas sa utak mo, hindi naman totoo. At nasabi mo pa sa publiko. Anong istura mo ngayon? ‘Di sinungaling, ‘di ba? So, wala: king of sablay, fake news, sinungaling,” dagdag pa ni Teves.
Sa pagsisiwalat ni Remulla tahasan niyang itinuro si dating Justice Undersecretary Reynante Orceo na siya umanong kumausap sa mga akusado. RNT
