TINGNAN: Metro Manila Subway Depot sa Valenzuela, ininspeksyon

MANILA, Philippines – Sinuri ng mga opisyal ng Department of Transportation (DOTR) ang pinakahuling sitwasyon sa nagpapatuloy na konstruksyon sa Metro Manila Subway Depot sa Valenzuela City.

Hanggang nitong Biyernes, Hulyo 10, kasalukuyang ginagamit ang dalawang tunnel boring machines sa naturang subway depot para sa patuloy na excavation process.

Sa itinatayong Metro Manila Subway, inaasahang maseserbisyuhan nito sa pagtatapos ng 2029 ang nasa 519,000 pasahero araw-araw.

Inaasahan din na mapaiikli nito ang karaniwang travel time mula Valenzuela City patungong Ninoy Aquino International Airport Terminal 3 mula isang oras at kalahati, sa 45 minuto. RNT