TINGNAN: Presyo ng bigas sa ilang pamilihan, patuloy na tumataas!

MANILA, Philippines – Matapos ang malalakas na pag-ulan at mapaminsalang bagyo sa bansa, patuloy ang pagtaas ng presyo ng bigas sa iba’t ibang pamilihan.

Katulad na dito sa pamilihan sa Bagbaguin, Valenzuela City, ay umaabot na ng hanggang P53 ang presyo sa kada kilo ng bigas.

Ayon sa Department of Agriculture (DA), aabot sa P2 bilyong halaga na ng agrikultura ang winasak ng nagdaang bagyong Egay at nasa 123,000 magsasaka at mangingisda ang naapektuhan ng naturang bagyo.

Ayon sa DA, ang mga nasirang pananim ng bagyo ay palay, mais, high value crops, livestock at poultry, at fisheries gayundin ang ilang farm at fishery infrastructures, at fishing paraphernalia. RNT