Home HOME BANNER STORY Tolentino out, Pia Cayetano in bilang Senate blue ribbon chairperson

Tolentino out, Pia Cayetano in bilang Senate blue ribbon chairperson

(c) Cesar Morales

MANILA, Philippines- Itinalaga si Senator Pia Cayetano bilang bagong chairperson ng Senate Committee on Accountability of Public Officers & Investigations, na mas kilala bilang blue ribbon committee.

Pormal na inihalal si Cayetano sa Senate session nitong Lunes.

Si Senate Majority Joel Villanueva ang naghalal kay Cayetano sa posisyon matapos ihayag na opisyal na nagbitiw sa pwesto si Senator Francis Tolentino nitong January 22, 2024.

Bagma’t may bagong pinuno ang  komite, sinabi ni Villanueva na pananatilihin ang mga kasalukuyang miyembro nito.

Disyembre noong nakaraang taon nang ihayag ni Tolentino na bababa siya sa kanyang posisyon bilang chairman Senate blue ribbon committee, batay umano sa kasunduan sa Senate leadership noong 2022.

Pinuri naman ni Senate Minority Leader Aquilino “Koko” Pimentel III ang desisyin ng mayorya na italaga si Cayetano bilang bagong pinuno ng makapangyarihang komite.

“We congratulate our first ever female chairperson of the Senate blue ribbon committee,” pagbati ni Pimentel.

“We are very honored that Senator Pia Cayetano is the new chairperson,” pagsang-ayon naman ni Senate President Juan Miguel Zubiri. RNT/SA

Previous articlePura Luka, pumanig kay Toni Fowler!
Next articleMga magsasaka bibigyan ng ₱10B fuel, fertilizer assistance