Trak na may kargang coconut oil, nasunog sa SLEX

MANILA, Philippines – Nasunog ang isang tanker truck na may kargang coconut oil sa SLEX, bahagi ng Sto. Tomas, Batangas.

Ayon sa drayber, ibinabyahe nila ang coconut oil mula Calamba, Laguna nang mapansin ng motorista na mayroong usok sa ilalim ng trak.

Sinubukan nilang gumamit ng fire extinguisher para apulahin ang sunog ngunit hindi na napigilan pa.

Kagyat naman dumating ang mga tauhan ng Bureau of Fire Protection at nagawang maapula ang sunog.

Walang nasaktan sa insidente. RNT/JGC