Ugnayan sa Asia Pacific, pinag-usapan nina PBBM, Australian PM

MANILA, Philippines – NAGPAHAYAG ng kahandaan si Pangulong Ferdinand Marcos Jr. na makatrabaho ang Australia at iba pang regional partners.

Tinukoy nito ang kahalagahan na palakasin ang  partnership ng mga bansang kabilang sa Asia Pacific.

Ayon sa Presidential Communications Office (PCO), binanggit ito ng Chief Executive sa courtesy call ni Australian Foreign Minister Penny Wong sa Palasyo ng Malakanyang.

Si Wong ay kasalukuyang nasa bansa para sa kanyang four-day official working visit.

“Now we have a situation where partnerships have become extremely important and it might be the key to maintaining the peace not only in the Asia Pacific but the Indo-Pacific region,” ayon kay Pangulong Marcos.

“And that I think is probably the key element in many of the relationships that we have not only between Australia and the Philippines but also of the countries around the Indo-Pacific region,” dagdag na wika nito.

Umaasa naman ang Pangulo na ang pagbisita ni Wong sa Pilipinas ay makapagpapalakas sa ugnayan sa Australia.

Aniya, dapat na ipagpatuloy ng dalawang bansa ang pagsisikap ng mga ito na panatilihin ang relasyon at alyansa bilang tugon sa mabilis na pagbabago ng geo-political situation.

“And therefore, we have to stay in very close communication so that we present a common plan to meet not only with ASEAN but all member states around the Indo-Pacific,” aniya pa rin.

Kasunod ng kanilang bilateral meeting sa isinagawang  Asia Pacific Economic Cooperation (APEC) meeting noong nakaraang taon, sinabi ng Pangulo na umaasa siya na magkaroon ng panibagong oportunidad para makapulong si Australian Prime Minister Anthony Albanese sa Setyembre.

Para naman kay Wong, ipinaabot nito ang mensahe ng Albanese kay Pangulong Marcos, binigyang diin ang pangangailangan na mas palakasin pa ang  strategic partnership sa pagitan ng dalawang bansa.

“We want to work with you for our mutual benefit recognizing the importance of economic strength,” ang sinabi ni Wong kay Pangulong Marcos. Kris Jose