UNICEF: Kumpyansa ng publiko sa bakuna sa bata, bumaba

Nagbabala ang UNICEF na bumaba ang pananaw o kumpyansa ng publiko sa kahalagahan ng mga bakuna para sa mga bata sa Pilipinas sa panahon ng pandemya ng COVID-19.

Ayon sa UNICEF,  ang kumpiyansa sa mga bakuna sa pagkabata ay bumaba ng hanggang 25 porsiyento sa Pilipinas, kabilang sa pinakarurok na pagbaba mula sa dose-dosenang mga bansa.

Bagama’t ang pagbaba ng pananaw ay hindi nangangahulugang katumbas ng layunin o aktwal na paggamit ng bakuna,sinabi ni UNICEF Philippines, social and behavior change  specialist Kathleen Solis na  mahalaga talagang subaybayan dahil ang laganap at pangmatagalang mga isyu sa kumpiyansa sa pagbabakuna ay makahahadlang sa mga pagsisikap na mabakunahan ang mga bata.

Ayon sa UNICEF, tanging ang China,India at Mexico ang nagpakita ng positibong pagbabago sa kumpiyansa sa bakuna.

Base sa UNICEF latest global report, humigit-kumulang 67 milyong bata ang bahagyang o ganap na nakaligtaan ng mga nakagawiang bakuna sa buong mundo sa pagitan ng 2019 at 2021.

Sa 67 milyong mga bata ,  48 milyon ang hindi nakatanggap ng mga regular na bakuna, na kilala rin bilang “zero-dose,” sabi ng UNICEF, na nagbabadya ng mga alalahanin tungkol sa mga potensyal na outbreak ng  polio at tigdas

Sa Pilipinas, mayroong 1,048,000 bata na zero dose,pangalawa sa pinakamataas sa East Asia  at Pacific Region at ang pinakalimang pinakamataas sa buong mundo.

Ang  top 5 regions na may mas  zero-dose na mga bata ay ang  Calabarzon (146,160), Central Luzon (99,541), Western Visayas (96,774), Bicol (80,905) at Bangsamoro (75,671).

Pinakita ang coverage  sa partial 2022 na datos para sa Fully Immunized Child (FIC) at Measles Containing Vaccine 1 (MCV1) ay nasa 57.35 percent at 68.94 percent, ayon sa pagkakabanggit. Mga 95 porsiyento ang kinakailangan upang maabot ang herd immunity.

Ayon sa Vaccine Confidence Project, ang nga tao na nasa 35 pababa  at kababaihan ay mas malamang na mag-ulat ng kaunting kumpiyansa tungkol sa mga bakuna para sa mga bata pagkatapos ng pagsisimula ng pandemya sa karamihan ng mga bansa.

Ang ilang mga kadahilan na nakakaimpluwensya sa vaccine confidence ay ang mga sumusunod .

-Kung ano ang naririnig, nababasa at nakikita ng mga tao

– Mga maling impormasyon Karanasan sa nakaraang pagbabakuna

– Tiwala sa gobyerno

– Political environments/events

– Kabilang sa mga pangunahing kaganapan na may kaugnayan sa pagbabakuna ay ang Dengvaxia controversy noong 2017, measles outbreak noong 2018, detection ng unang kaso ng polio noong 2019 at ang pagsisimula ng COVID-19 pandemic noong 2020.

Sinabi ni Dr. Carla Orozco, immunization specialist mula sa  UNICEF Philippines, na karamihan sa zero-dose children ay naninirahan sa marginalized communities na kadalasan ay walang regular health service at mga vulnerable sa outbreaks

Nanawagan ang UNICEF sa gobyerno ng Pilipinas at katuwang na suportahan ang “catch-up” vaccination efforts para sa mga nakaliban ng kanilang bakuna at  ganap na ibalik immunization services sa pre-pandemic levels   upang maiwasan ang nagbabantang krisis sa kaligtasan ng bata.(Jocelyn Tabangcura-Domenden)