Home NATIONWIDE US envoy bukas sa dayalogo sa mga gobernador ukol sa EDCA...

US envoy bukas sa dayalogo sa mga gobernador ukol sa EDCA sites

268
0

MANILA, Philippines- Bukas si United States (US) Ambassador to the Philippines MaryKay Carlson na makipagpulong sa mga gobernador na nagpahayag ng kanilang pagkabahala at pag-aalala ukol sa apat na karagdagang sites  kung saan mayroong access ang US military sa ilalim ng  Enhanced Defense Cooperation Agreement (EDCA).

Ani Carlson sa isang panayam, masaya siyang makapulong ang mga ito.

“Absolutely. We are open when governors travel to Manila, we are always happy to meet with them,” ani Carlson.

“I’m personally happy to meet with them even in the embassy or invite them to the residence or meet them at a place of their choosing. We do travel around the country and meet governors as well,” dagdag na wika nito.

Nauna rito, nagpahayag ng pangamba si  Cagayan Governor Manuel Mamba para sa kanyang lalawigan na gagamitin bilang isa sa mga bagong EDCA sites.

Sa katunayan, isang prayer vigil laban sa  EDCA ang dinaluhan ng 5,000 Cagayanos noong Abril.

Ang paliwanag ni Carlson, hindi dapat maging dahilan ng pangamba ang  EDCA dahil ang layunin nito ay mapabuti  ang military facilities sa bansa.

Advertisement

“EDCA site is a project really on existing Philippine facility. So, it’s really about injecting capital and improving our two military ability to work together,” ang wika ni Carlson.

Sinabi pa nito na mayroong ibang “shared challenges” na dapat tugunan ang dalawang bansa.

“We certainly have global challenges when it comes to climate change, cyber security, environmental degradation of our surrounding seas and climate. There is so much we are working on together,” ayon kay Carlson.

Nauna rito, sinabi ni Pangulong Ferdinand  Marcos Jr. na nakipag-ugnayan na siya sa local government units  na nagpahayag ng pagkabahala sa EDCA expansion para ipaliwanag kung paano ito makikinabang sa kanilang mga lalawigan.

Ang mga bagong EDCA sites na nauna nang tinukoy ng pamahalaan ay nasa Balabac Island sa Palawan at sa Naval Base Camilo Osias sa Sta Ana, Cagayan; Lal-lo Airport sa Lal-lo, Cagayan; at Camp Melchor Dela Cruz sa Gamu, Isabela. Kris Jose

Previous articleP19.3M shabu buking sa inabandonang maleta sa NAIA!
Next articlePinas may 1,503 bagong COVID cases

LEAVE A REPLY

Please enter your comment!
Please enter your name here