MANILA, Philippines – Suportado ng 51-strong Visayan bloc ng Kamara si Speaker Martin Romualdez kasabay ng usap-usapan ng tangkang pagpapatalsik sa kanya.
“Members of the Visayan Bloc express full support for Speaker Ferdinand Martin G. Romualdez, a distinguished son of the Visayas and who has always been a strong champion of development in the Visayas,” pahayag ng Visayan bloc.
Inilarawan ng grupo si Romualdez bilang
“paragon of public service” na nagpakita ng “effective leadership through competence, diligence and goodwill.”
“We will continue to work with him to deliver on the President’s priority legislative agenda and uplift the lives of Filipinos,” ayon pa sa grupo.
Nagsimulang lumitaw ang ugong ng pagpapatalsik kay Romualdez bilang speaker nang palitan si dating Pangulo at Pampanga Representative Gloria Macapagal-Arroyo bilang senior deputy speaker ni Pampanga Representative Aurelio Gonzales noong Mayo 17.
Itinanggi naman ni Arroyo na sangkot siya sa tangkang pagpapatalsik kay Romualdez, sabay-sabing ang speakership ay hindi bahagi ng kanyang political agenda.
Kasunod nito, nagpahayag ng kani-kanilang suporta ang mga partidong PDP-Laban, Nacionalista party, Nationalist People’s Coalition, National Unity Party and the Party-list Coalition ng suporta sa speakership ni Romualdez. RNT/JGC
