MANILA, Philippines – Kasunod ng pagbibitiw ni Vice President Sara Duterte bilang kalihim ng Department og Education, sinabi nito na wala siyang inirekomendang sinuman para sa naturang pwesto.
“Wala na akong ni-recommend na new secretary for the Department of Education dahil ang posisyon ng Secretary is a position of trust and confidence. The appointing power and appointing authority of which is the President,” sinabi ni Duterte sa ambush interview sa Cebu.
“Dapat talaga ‘yan, pinili ng Pangulo dahil dapat ‘yan pinagkakatiwalaan ng Pangulo” dagdag ni Duterte.
Noong nakaraang linggo, inanunsyo ni Duterte ang pagbibitiw niya sa pwesto bilang DepEd chief at vice chairperson ng National Task Force to End Local Communist Armed Conflict (NTF-ELCAC), na epektibo sa Hulyo 19.
Ani Duterte, ang kanyang pagbibitiw bilang DepEd secretary ay hindi dahil sa kahinaan ngunit dahil sa kanyang pag-aalala sa mga guro at estudyante. RNT/JGC
