MANILA, Philippines- Maaaring ma-enjoy ng mga motorista ang 30 toll-free days sa Manila-Cavite Toll Expressway Project (CAVITEX) sa lalong madaling panahon.
Tinukoy ni Pangulong Ferdinand Marcos Jr. ang panukalang ito ng Philippine Reclamation Authority (PRA).
Isiniwalat ng Pangulo ang bagay na ito matapos pangunahan ang tatlong pangunahing events para sa CAVITEX — ang groundbreaking ceremony ng CAVITEX-CALAX Link, ang groundbreaking ng CAVITEX C5 Link Segment 3B, at ang pagpapasinaya sa CAVITEX C5 Link Sucat Interchange (Segment 2).
“So, I now invite my fellow Filipinos to take advantage of our expressways. Experience firsthand the ease and convenience that these roads will bring to our daily lives,” ang sinabi ni Pangulong Marcos sa kanyang naging talumpati.
“This is especially so after receiving the good news that the PRA or the Philippine Reclamation Authority, as operator of the CAVITEX, proposed to suspend the collection of toll fees for all types of vehicles passing through the Manila-Cavite Toll Expressway in Taguig, Parañaque, Las Piñas, Bacoor, and Kawit for thirty days,” dagdag na wika ng Chief Executive.
Hindi naman nagbanggit ng petsa ang Pangulo subalit inatasan ang Toll Regulatory Board (TRB) “to ensure the immediate implementation” sa panukala ng PRA “for the benefit of the riding and the transport public.”
“We welcome this call and thank the PRA for its initiative to help mitigate the impact of rising fuel costs to our motorists,” ayon sa Pangulo.
Sa kabilang dako, ayon sa MPT South Corporate Communication, ang CAVITEX C5 Link Sucat Interchange ay magbubukas sa publiko simula alas-6 ng gabi, ngayong raw ng Biyernes.
Sinabi nito na sa limitadong oras, mai-enjoy ng mga motorista ang segment nang libre.
Ang mga proyektong ito, isinagawa ng Metro Pacific Tollways Corporation (MPTC), tanda ng mahalagang hakbang tungo sa pagpapahusay sa pagkakakonekta at pangangalaga sa economic growth sa pagitan ng Region IV-A at Metro Manila.
