WASHINGTON- Natapos na kamakailan ng senior officials ng Pilipinas at ng US ang 11th PH-US Bilateral Strategic Dialogue (BSD) sa Washington, D.C.
Sa joint statement, muling nangako ang Philippine at US governments na magtutulungan sa ilang usapin tulad ng pagpapalawak ng kanilang ugnayan, modernisasyon ng alliance cooperation, pagsusulong ng international law-based maritime order, pagtutulak ng common prosperity, at pagpapalakas ng multilateral cooperation.
Nagsisilbi ang BSD “as the main annual platform for two countries to discuss the full range of political, security, and economic cooperation”, na unang ginanap noong 2011.
Nanawagan ang dalawang bansa sa China “to comport its maritime claims in the South China Sea with the international law of the sea as reflected in the UNCLOS” at “to respect the Philippines’ sovereign rights and jurisdiction”.
Kapwa ikakasa ng US at Philippine governments ang 3rd Maritime Dialogue sa Setyembre o Oktubre ng kasalukuyang taon sa Manila.
Nagdesisyon din ang dalawang bansa na palalimin ang “cooperation to strengthen efforts in addressing illegal, unreported, and unregulated (IUU) fishing” at “consider and develop procedures and protocols on cooperative maritime law enforcement operations, in accordance with international law and respective national laws”.
Pagdating sa seguridad, nangako ang US at ang Pilipinas na paiigtingin ang security cooperation sa pagtatapos ng bilateral Philippines-Security Sector Assistance Roadmap, pagsasapinal ng mga karagdagang sites, at pagpapatupad ng EDCA, kabilang ang US Department of Defense investment na USD$128 milyon para sa imprastraktura sa President’s Fiscal Year 2025 budget, at paghahanda ng USAID disaster relief commodities para sa Philippine civilian disaster response authorities sa key EDCA sites.
Isinagawa ang BSD noong April 22 hanggang 23, ilang linggo lamang matapos dumalo ni Pangulong Marcos sa makasaysayang trilateral summit kasama ang US at Japan sa Washington, D.C. RNT/SA
