BATANGAS, Philippines – Naaresto na ang isa sa dalawang suspek sa pagpatay kay Barangay Chairman Dennis Austria ng Barangay Sta. Anastacia, Sto. Tomas City, Batangas.
Batay sa paunang impormasyon, ang naarestong suspek umano ang nagmaneho ng motorsiklong ginamit ng mga salarin sa pagtakas matapos ang krimen.
Patuloy ang imbestigasyon upang matukoy ang buong pangyayari at mahuli ang ikalawang suspek. RNT/MDS
