MANILA, Philippines- Sumiklab ang sunog sa 15 kabahayan sa New Bilibid Prison (NBP) Reservation sa Barangay Poblacion, Muntinlupa nitong Nov. 26.
Base sa Muntinlupa City Fire Station, nagsimula ang sunog mula sa isang bahay sa Balimbing Drive sa NBP Reservation bandang alas-10:43 ng umaga.
Itinaas ng mga bumbero ang first alarm ng alas-10:46 ng umaga at second alarm ng alas-10:57 ng umaga. Naapula ito pagsapit ng alas-11:34 ng umaga.
Nasunog sa insidente ang 15 bahay, kung saan naapektuhan ang 15 pamilya o 45 indibidwal. Sinabi ng mga awtoridad na nagsimula ang sunog sa bubong ng isang bahay subalit iniimbestigahan pa ang mitsa nito.
Nasa limang fire trucks ang rumesponde sa insidente. RNT/SA
