177 estudyante at guro sa Navotas, tumanggap ng city scholarship

MANILA — Lumagda ang Pamahalaang Lungsod ng Navotas sa isang memorandum of agreement (MOA) noong Lunes para sa scholarship ng 177 Navoteño students at teachers para sa school year 2026-2027.

Kabilang sa mga benepisyaryo ang 23 Academic Scholars, 144 Athletic Scholars, at 10 Ulirang Pamilyang Mangingisda Scholarship beneficiaries.

Ayon kay Mayor John Rey Tiangco, muling pinagtitibay ng lungsod ang pangako nitong suportahan ang edukasyon at personal na pag-unlad ng mga Navoteño.

“Education open unlimited opportunities that can secure our children’s good future. This is why we continuously support those who strive to finish their studies and further their learning,” ani Tiangco.

“We want our scholars to reach their full potential and set an example to their fellow teachers and students, and at the same time, be of service to their family and our community,” dagdag niya.

Saklaw ng scholarship program ang 15 incoming high school freshmen, anim na incoming college freshmen, at dalawang guro na kumukuha ng mas mataas na edukasyon. Kabilang sa mga benepisyo ang matrikula, book allowance, transportation at food allowance, research grants, training, at tulong sa pagsali sa mga kompetisyon, depende sa uri ng scholarship.

Maaaring i-renew taun-taon ang lahat ng scholarship basta’t matugunan ng mga benepisyaryo ang mga itinakdang tuntunin ng pamahalaang lungsod. Nag-aalok din ang Navotas ng scholarship para sa mga mag-aaral na may natatanging talento sa sining.

Bahagi ang MOA signing ng pagdiriwang ng ika-19 na cityhood anniversary ng Navotas.