MANILA, Philippines – Mahigit 2.5 tonelada ng manok ang nakumpiska sa serye ng raid sa tatlong lokasyon sa Sta. Rosa, Laguna.
Nagresulta ito sa pagkakaaresto ng dalawang lalaki, ayon sa National Bureau of Investigation (NBI).
Sa pahayag nitong Biyernes, Hulyo 10, sinabi ng NBI na ang poultry products, na nakumpiska noong Martes, Hulyo 7 ay nasa 2,515.72 kilo.
Sumailalim sa pagproseso ang mga ito at hindi umabot sa standards ng National Meat Inspection Service (NMIS).
Nagsagawa ng raid ang mga operatiba ng Laguna District Office ng NBI sa pakikipagtulungan sa NMIS kasunod ng reklamong inihain ng pribadong indibidwal noong Hunyo 25 kaugnay sa hindi awtorisadong poultry dressing operations.
“Subsequent investigations confirmed that the targeted facilities were operating without the required local government permits and lacked mandatory accreditation from the NMIS,” sinabi ng NBI.
Nahaharap ang mga naarestong poultry operators sa reklamong sa Meat Inspection Code of the Philippines.
Samantala, itinurn-over naman sa NMIS ang mga nasamsam na poultry products para sa tamang disposal. RNT/JGC
