MANILA, Philippines – Dalawang low pressure area (LPA) ang nakita sa loob ng Philippine area of responsibility (PAR), ngunit hindi inaasahang magiging tropical cyclone ang dalawa, sinabi ng state weather bureau noong Linggo.
Sa halip, sinabi ng Philippine Atmospheric, Geophysical and Astronomical Services Administration (Pagasa) na posibleng magdulot ng malakas na ulan ang kumbinasyon ng LPA sa habagat.
Nagbabala ang Pagasa sa mga “scattered rains and thunderstorms” na dala ng LPA sa Aurora, Nueva Ecija, Bulacan, Quezon, Rizal, Bicol Region at Eastern Visayas.
Samantala, ang habagat ay magdudulot ng kaparehong lagay ng panahon sa Metro Manila, Mimaropa (Mindoro, Marinduque, Romblon at Palawan), Zamboanga Peninsula, Camiguin, Surigao del Norte, Dinagat Islands at sa natitirang bahagi ng Visayas, Central Luzon at Calabarzon (Cavite, Laguna, Batangas, Rizal at Quezon), iniulat ng Pagasa.
Iniulat din ng state weather bureau ang southwest monsoon-induced isolated rain showers at thunderstorms sa natitirang bahagi ng Caraga at Northern Mindanao.
Naglabas ang Pagasa ng severe flood advisory sa Metro Manila, Central Luzon, Calabarzon at Bicol Region.
Isa sa dalawang LPA ang huling namataan sa humigit-kumulang 675 kilometro silangan ng Borongan City, Eastern Samar, alas-3 ng hapon, ayon sa Pagasa.
Samantala, ang iba pang LPA ay nasa layong 90 kilometro silangan-hilagang-silangan ng Daet, Camarines Norte, ani Pagasa.
Ang LPA sa rehiyon ng Bicol ay “unlikely” na maging isang tropical cyclone.
Ang isa pang LPA, na matatagpuan sa layong 900 kilometro sa silangan ng Northern Visayas, ay may mababang posibilidad na maging tropical depression sa loob ng susunod na 24 na oras.
Kung magiging bagyo ang LPA sa PAR, tatawagin itong Kiko. RNT/MND
